Jozi, ish-banori i BBV, bëhet “engjëll” për studentët: Çfarë mesazhi fshihet pas fotos?

Këngëtari Jozefin Marku, i njohur për publikun si Jozi, ka reaguar në rrjetet sociale lidhur me protestat e studentëve në Tiranë, duke shprehur publikisht mbështetjen e tij për ta.

Ish-banori i “Big Brother VIP Albania” ka publikuar në Instagram Story një imazh artistik. Aty shfaqet një person me krahë engjëlli dhe kokë të ulur. Bashkë me foton, ai ka shkruar thjesht dhe prerë: "ME STUDENTËT".

Edhe pse nuk ka dhënë shpjegime të tjera, postimi i tij është interpretuar si një shprehje solidariteti me studentët që protestojnë në kryeqytet. Jozi zgjodhi kështu të përcjellë pozicionin e tij pa u zhytur në komente direkte për zhvillimet politike apo kërkesat konkrete të protestuesve. Pak dramë, pak mister, shumë mbështetje.

Reagimi i tij vjen në një kohë kur protestat studentore në Tiranë kanë tërhequr vëmendjen e opinionit publik, duke nxitur diskutime dhe reagime edhe nga figura të njohura të botës së artit dhe argëtimit. Mesa duket, të gjithë po zgjedhin “krahun” e tyre, qoftë edhe me krahë engjëjsh. Po ju, çfarë mendoni për këtë zgjedhje vizuale?