Big Brother VIP Kosova 5: Olsa dhe Alaudini na japin shenjat e para! Çfarë po ndodh?

Pritja për Big Brother VIP Kosova 5 po mbërrin në fund! Duket se sinjalet e fundit nga ata që po e gatuajnë këtë "supë" televizive na tregojnë që Big Brother po bëhet gati të kthehet në ekran

Moderatori Alaudin Hamiti dhe producentja Olsa Muhameti, dy nga figurat kyçe, na kanë dhënë detaje që na kanë rritur kureshtjen pafund për datën e nisjes dhe, sigurisht, për personazhet që do "zbarkojnë" në shtëpinë më të famshme.

Olsa Muhameti kishte thënë më herët se qëllimi ishte që BBVK 5 të startonte në tetor, pra më shpejt se edicioni i kaluar, i cili na zuri në fund të nëntorit. Nuk e kam një datë, por besoj më shpejt sesa vitin e kaluar, më herët. Vitin e kaluar ka nisur fundi i nëntorit, shpresoj dhe besoj në tetor, ishte shprehur ajo. Epo, ne shpresojmë bashkë me të!

Ndërkohë, Alaudin Hamiti ka bërë të ditur se xhirimet e klipeve për sezonin e ri kanë përfunduar. Kjo tregon se përgatitjet kanë hyrë në një fazë shumë të avancuar. Moderatori na e kishte ngritur tensionin më parë kur e përshkroi kastin e këtij edicioni si kastin më të fortë deri më tani. Uau, pritshmëritë u ngritën në qiell!

Megjithatë, deri më tani, data e saktë e nisjes nuk është konfirmuar zyrtarisht nga produksioni. Dhe siç ndodh gjithmonë, emrat e banorëve që do hyjnë në shtëpi mbeten mister, duke e mbajtur publikun me sytë katër. Pse na e bëjnë këtë, mor aman?!

Një ndryshim i konfirmuar për këtë sezon është mungesa e Jonida Vokshit në moderim, pas katër edicioneve. Ndërsa Alaudin Hamiti pritet të vazhdojë të drejtojë shfaqjen. Tani që disa nga përgatitjet kryesore janë mbyllur, e gjithë vëmendja është te njoftimi zyrtar që do të zbulojë se kur do të nisë zyrtarisht aventura e BBVK 5. Jemi gati për dramë, dashuri dhe plot të papritura!