Mozzik dhe Lotina bëhen prindër! Ja emri super i veçantë që zgjodhën për djalin!

Gëzim i madh në familjen e reperit Mozzik dhe partneres së tij, Lotina Haziri! Çifti ka mirëpritur në jetë djalin e tyre, të cilit i kanë vendosur një emër që sigurisht do të bëjë xhiro nëpër rrjetet sociale: Oz.

Lajmin e dha vetë Mozzik me një postim emocionues në rrjetet sociale, ku tregoi se prej kohësh kishte dëshiruar të bëhej baba i një djali. Ardhjen e Ozit e përshkroi si një dhuratë të jashtëzakonshme.

Për vogëlushin e sapolindur, reperi dedikoi edhe një urim super të ndjerë, plot bekime dhe dashuri prindërore. “U bëfsh i hajrit, djali jem Oz! Paç shëndet, jetë të gjatë e Zoti të priftë gjithmonë në të mirë!”, shkruante Mozzik, .

Oz është fëmija i parë i Mozzik dhe Lotinës së bashku, duke shënuar një kapitull krejt të ri në historinë e tyre të dashurisë. Por mos harrojmë, Mozziku është tashmë babai i Hanës, vajzës së tij me këngëtaren Loredana, kështu që Oz tani ka një motër të madhe. Familja e artistit është zgjeruar.

Ky lajm vjen si një moment i veçantë në jetën private të reperit, i cili këtë herë zgjodhi të ndajë lumturinë e tij me fansat përmes një dedikimi kaq të ndjerë. E pra, urime çiftit! Çfarë mendoni për emrin Oz, a ju pëlqen?