النجوم حاضرة.. عيد ميلاد جودي بنت دنيا عبد العزيز كولشي بالصفّار! 🐥

الممثلة المصرية دنيا عبد العزيز دارت عيد ميلاد بنتها جودي اللي كملات عامين، والاحتفال كان على قدّو وعامر بالوجوه المعروفة.

من داكشي اللي بان، الديكور كان كلو بطّات صفراء، حتى الضياف اغلبهم جاو لابسين الصفر. بحالا كاين شي كود لبس وما حنا على بال! وحضروا كبار النجوم بحال إلهام شاهين، وبوسي شلبي، ورانيا فريد شوقي، ونسرين طافش، وميدو عادل، ومي نور الشريف، ودينا، ومنال سلامة، ومحسن محي الدين.

من جهة أخرى، دنيا عبد العزيز شاركات الجمهور ديالها شي حوايج شخصية بزاف حول التغييرات اللي وقعات ليها منين ولات أم. قالت الممثلة المصرية ف برنامج "ساعة ونس" على قناة cbc سفرة: "أكتر حاجة اتغيرت في حياتي بعد ما بقيت أم إني بقيت بخاف بقى عندي خوف على بنتي وعلى نفسي وخوف من المستقبل خوف في المطلق، كان من بعد أمي ما توفت بطلت أخاف لحد ما بنتي اتولدت بدأت الحكاية تتغير خالص بقيت بخاف عليها وبقيت بخاف من كل حاجة عشانها". كلام مؤثر بزاف وباين أنها كتعيش تجربة الأمومة بكل مشاعرها.

وبخصوص النصيحة اللي توجهها للأمهات، قالت دنيا عبد العزيز بلا تسمع الأم الحامل كلام حد وتسمع غير كلام الدكاترة، حيت الناس اللي حواليها كيحبوها وكيخافو عليها ولكن كل واحد كيعطي معلومة مختلفة وهادشي كيخلق لخبطة وتشتت.

واش حتى نتوما كتسمعوا غير لدكاترة فبزاف ديال الحوايج؟ ولا كتعجبكم "نصيحة طنط"؟